-Ossoran Tipamulanna Lino
(naosso’Tomina So’ Sere)
Apa ia ade’ tonna silopakna langi’ tana’, pusa’pa sangga mairi‘, ia ade’ tonna sikanpeda to palullungan lipu daenan, kalilip’pa mintu’ sola nasang. Tang payanpa rante kalua’, tang sombopa pa’ buntu batuan, tang tibori’ pa pangkalo’ puang.
Apa sisarak ade’ langi’ tana kalua’, simanta mambela ade’ lipu daenan to palullungan.
Payanmo rante kalua‘, tibori’ mo pangkalo’ puang
Dadaimo ade’ anakna langi’, anakna tana kalua’ titanan tallu, takkomi kamaseanna to paonganan,lipu daenan samba’ batu lalikan.
Kasalle dadinna anakna langi’, anakna tana titanan tallu, lobo’ garaganna bongsunna to paonganan, lipu daenan samba’ batu lalikan.
Disangai Pong Tulakpadang.
Disangai Pong Banggairante.
Disangai Gauntikembong.
Umbaliangami batu ba’tangna titanan tallu, umbibi’mi karangan pasiruanna samba’ batu lalikan. Upu’mi ma’tangnga’-tangnga’ titanan tallu, sundunmi ma’inaanna samba’ batu lalikan.
Unggaragami ade’ liku lambe’na kombong kalua’ titanan tallu, untampami ade’ tinimbo malambe’ samba’ batu lalikan.
Unggaragami ade’ allo, ungkombong arrang sama lele.
Unggaragami bulan, unkombong sulo tarongko malillin.
Unggaragami ade’ bintoen tasak, ungkombong asi-asi dannari.
Napaunnolami ade’ manete rara’na langi’ allo, namasiang lan kapadanganna, napopa’lalanmi ade’ pata’ bulaanna to palullungan arrang sama lele, anna masero lan kapayan-payanna. Napaunnolami tangngana langi’ bulan, anna masiang lan tangngana bongi. Napopa’lalanmi sisamanna to palullungan bintoen tasak, namasero lan paseko malillin.
Ma’kadami Pong Tulakpadang kumua: La malemo’ aku rokko marinna litak, la diongmo’ mangapi’na tana. Anna den nakamalingi to sanda rangka’na, aku ungkalampi’i tanan-tanananna. Ke tae’ nasiria pengkalossoran mangaku kumba’, ke tae’ nasisaladan sangka’ pengkalaoan mangore tanda darandang.
Lanmi ade’ kapadanganna Pong Banggairante, sirampanan kapa’ Tallo’ Mangkakalena, sipakuleasan pa’sulean allo Datu baine.
Dadimi ade’ buanna rampanan kapa’ sanda karua, takkomi kamaseanna pa’sulean allo ganna bilangannan. Kasalle dadinna to sanda karua, lobo’ garaganna to ganna bilanganna, pada umposanga sanganna, pada umpoganti pa’gantiananna.
Disangai ade’ Saripi’bulaan, diganti Datu Muane.
Disangai ade’ Puang Raden, diganti Datu Muane.
Disangai Timbayokilla, diganti Datu Muane.
Disangai Pong Tulangdenna, diganti Datu Muane.
Disangai Tandiminanga, diganti Datu Muane.
Disangai Pong Lalondong, diganti Datu Muane.
Disangai Indo’ Pare-pare, diganti Datu Muane.
Disangai Indo’ Samadenna, diganti Datu Muane.
Malemi ade’ lako randanna langi Saripibulaan. Malemi ade’ lako tetukna langi’ Puang Raden. Malemi ade’ tama batu Timbayokila, lanmi kurnila kalle-kallean Datu muane. Malemi ade’ rokko pangalo’ pulang Pong Tulangdenna. Malemi Tandiminanga tama tasik kalua’, lanmi bombing malolangan. Naden nakamalingi to sanda rangka’na, na tae’ namamma’ rokko rianna pengkalossoran mangaku Kumba, aku pabangun ada’ umbaliangan lembang lan tasik. Nakuami Pong Lalondong, la malemo’tama puya, angku peotinggi to mempuruu lampak.
Ussialaimi ade’ unuran bulaan Indo’ Pare-pare, Indo Samadenna, namallai tama allo Indo’ Pare-pare, namallai tama bulan Indo’ Samadenna.
Malemi ade’ Gauntikembong langngan tangngana langi’, umpokaa’ ambe’ to kumombongna, malemi ade’ Datu muane langngan masuangngana to palullungan, umpanglola baan to mendadianna. Sangbua bannangmi ade’ lan tangngana langi’ Gauntikembong, sangkayu lolimi lan masuangana to palullungan Datu muane.
Umbalianganmi batu ba’tangna lan tangngana lagi’, umbibi’mi karangan pasiruanna lan masuangana to palullungan. Umpatuka’mi pa’ba’tangan, umpasolo’ pa’inaan.
Umpatiangka’mi ade’ bate lentekna lan tangngana langi’ undaka’ sangdeatanna la narampanni kapa’, unpatirimbani ade’ pesoenanna lu rokko lu tama kedellekan allo untuntun sangkapuanganna la napakulea’i pa’sulean allo.
Sulemi ma’inaa-inaa, tibalikmi ma’tangnga-tangnga’. Unnalami ade” usuk padakna, nakombong to sanda karua, ussintakmi ade’ buku tang palambi’na, natampa to pantan turonona. Kasallemi ombo’na, lobo’mi garaganna, umposangami sanganna, umpogantimi pa’gantiananna.
Disangami Usuk Sangbamban.
Umpatuka’mi pa’batangan Usuk Sangbamban lan ba’tangna langi’ umpasolo’mi ade’ pa’inaan Datu muane lan masuangnganna to paonganan. Tipandayu-dayumi ade’ lu rokko tama undaka’ sangdeatanna la narampanni kapa’, tipandiu-diumi lang masuanganna to paonganan lu sau’ untuntun sangkapuanganna la napakulea’i pa’sulean allo.
Tae’ mi ade’ sangdeatanna natiro, tang den ade’ sangkapuanganna natontongi rupa kalua’. Pusa’mi batu ba’tangna, kalilimi karana inaana. Umpatuka’mi ade’ pa’ba’ tangan Usuk Sangbamban umpasolokmi pa’inaan Datu muane. Umpatiangka’mi ade’ bate lentekna sumalong-malong tama rampe matallo, unpatirimbami passoenanna luminka-mingka tama kadellekan kulla’. Urrangimi Simbolang Manik metaa mammi’ lan batu laulung, untanding talingami Lokkon Loerara’ melale’ sanda marasa lan mai kumila’ kalle-kallean.
Randukmi ade’ Usuk Sangbamban membo’bok tama batu laulung, tipamulami Puang Bassi-bassian menniso burinda tama kumila’ kalle-kallean.
Sulemi ade’ umparra uai mata budanna Usuk Sangbamban, tibalikmi ade’ Puang Bassi-bassian ussebokan sake malinona. Kumua: Lillingna te buntu boyo’ membo’bok tama batu laulung, natae kutiro lindo Simbolong Manik, tikuna’ te tanete malupu’ menniso burinda tama kumila’ kalle-kallean, natang den Lokkon Loerara’ ku tontongi rupa kalua’.
Apa bulo sanglampa ade’ Simbolong Manik lan batu laulung, tallang tang kalesoan ade’ Lokkon Loerara’ lan kumila’ kalle-kallen.
Ma’kada tonganmi Simbolong Manik lan batu laulung, ma’tundu malesomi Lokkon Loerara’ lan kumila’ kalle-kallean.
***
Kampung tertua di Wilayah Adat Kesu’ adalah perkampungan tradisional Ke’te’ Kesu’ yang dianggap sebagai asal mula manusia yang turun dari langit yang kemudian beranak cucu dan menyebar di wilayah-wilayah Toraja termasuk di antaranya yang mendiami Bua’ La’bo’ dan Bua’ Nonongan (Ke’te’ Kesu’ berada di dalam Bua’ Malenong). Ke’te’ Kesu’ didiami oleh keturunan Puang Ri Kesu’, tokoh adat pertama di Kesu’ dan pendiri Tongkonan Kesu’ ratusan tahun yang lalu.
Berbicara tentang asal usul Kesu’ tidak lepas dari cerita turun temurun mengenai riwayat kejadian alam atau ossoran tipamulanna lino. Leluhur orang Kesu’ yaitu Puang Ri Kesu’ dipercaya sebagai dewa yang turun dari langit atau To Manurun di Langi’. Puang Ri Kesu’ menikah dengan To Bu’tu Ri Uai kemudian melahirkan Puang Ri Beloara’. Puang Ri Beloara’ menikah dengan Tanomandasi melahirkan Puang Ambun Di Kesu’. Puang Ambun Di Kesu’ menikah dengan Puang Mora melahirkan Manaek. Manaek inilah yang kemudian ke Nonongan dan menetap di sana bersama keturunannya sampai saat ini. Puang Ambun Di Kesu’ juga menikah dengan Pabane’ Di Kesu’. Pabane’ adalah anak dari Buen Manik dan Tangdilino’. Keduanya berasal dari keturunan Puang Di Mulatau, di mana kakek dan neneknya berasal dari langit. Pabane’ dan saudara-saudaranya tersebar dan manglili’ tondok di kawasan Toraja. Sebagian besar saudaranya menyebar di daerah selatan, sementara Pabane’ ke utara.
Pernikahan Pabane’ dan Puang Ambun Di Kesu’ melahirkan Polo Padang yang menikah dengan Deatanna, seorang wanita sangat cantik yang berasal dari langit (To Dao Mai Langi’). Setelah menikah, mereka dikaruniai seorang anak bernama Pairunan. Dalam pernikahannya, Deatanna sempat marah dan meninggalkan Polo Padang dengan membawa Pairunan kembali ke langit karena Polo Padang dianggap melanggar perjanjian yang telah disepakati sebelumnya. Polo Padang kemudian berpetualang untuk membawa pulang Deatanna dan Pairunan kembali ke bumi.
Pairunan kemudian menikah dengan Arrang Di Bangkudu melahirkan Pabisangan. Pabisangan menikah dengan Tibian Ri Sa’dan melahirkan Ampang Ri Sa’dan. Ampang Ri Sa’dan menikah dengan Tumba’ Mangkaranga yang kemudian melahirkan Palidan. Palidan yang menikah dengan Salikunna (keturunan dari Manaek) melahirkan beberapa anak yang tersebar dan manglili’ tondok (menandai wilayah kekuasaan) di wilayah-wilayah utara Toraja. Dua di antaranya yaitu Soge’ dan Kullu mendiami wilayah Kesu’. Soge’ ke La’bo’ dan Kullu di Tikunna Malenong.
Pada tahun 1800an, Pong Maramba’ membangun Buntu Pune pada masa Perang Kopi. Perang Kopi adalah perang dalam perdagangan antara Toraja dan daerah-daerah luar Toraja dengan komoditas utama kopi. Buntu berarti bukit, pune berarti pakis, nama yang menggambarkan bahwa Buntu Pune adalah bukit yang dipenuhi tumbuhan pakis. Pong Maramba’ adalah kepala distrik pertama Kesu’ dan wilayah Tikala. Pada tahun 1900an, Belanda berusaha untuk menguasai Toraja. Pada masa ini Pong Maramba’ didaulat oleh Pong Tiku sebagai panglima perang untuk bersama-sama melawan penjajah. Di Buntu Pune, Pong Maramba’ membangun benteng pertahanan yang juga dipakai sebagai tempat mengintai dari jarak jauh.
Tempat-tempat penting
Di WA Kesu’ juga ada Buntu Pune yang di dalamnya terdapat 3 (tiga) tongkonan yaitu Tongkonan Potok Sia, Tongkonan Kamiri dan Tongkonan Kaluku. Tongkonan Kamiri dan Kaluku bersatu dalam satu bangunan fisik. Buntu Pune dibangun oleh leluhur Siambe’ Pong Maramba’, Kepala Distrik Kesu’ pertama dan salah satu pimpinan berpengaruh di Toraja terutama dalam perlawanan terhadap kolonial. Buntu Pune dijadikan sebagai benteng pertahanan dan tempat pengintaian jarak jauh. Buntu Pune memiliki sebuah rante bernama Rante Menduruk yang dihibahkan kepada pemerintah dan sekarang menjadi Lapangan Kodim. Rante Buntu Pune kemudian dipindahkan ke Rante Karassik dan dipenuhi oleh menhir. Selain kedua lokasi di atas, juga ada Londa yang terletak di Kampong Tadongkon.Keturunan Puang Ri Kesu’ menjadikan lokasi ini sebagai areal penguburan. Untuk pertahanan, mereka menjadikan Londa sebagai benteng yang berhasil menghalau pasukan Bone yang ditunggangi oleh VOC. Setelah perjanjian damai, mulai dibangun permukiman dekat dengan sawah dan area perkebunan serta penggembalaan.
|
